ក្រសួងមុខងារសាធារណៈចូលរួមពិធីតាំងពិព័រណ៌ការងារ និងផលិតភាពជាតិ ឆ្នាំ២០១៩

រាជធានីភ្នំពេញ៖ នាព្រឹកថ្ងៃសៅរ៍ ៦កើត ខែកត្តិក ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី០២ ខែវិច្ឆិកា ឆ្នាំ២០១៩ ក្រសួងមុខងារសាធារណ: បានចាត់តាំងក្រុមការងារជំនាញ ចូលរួមរៀបចំពិធីតាំងពិព័រណ៌ការងារ និងផលិតភាពជាតិ ឆ្នាំ២០១៩ នៅអាគាពាណិជ្ជកម្មនិងពិព័រណ៌កោះពេជ្រ។ ពិធីនេះផ្តួចផ្តើមគំនិតរៀបចំដោយក្រសួងការងារ និងបណ្តុះបណ្តាលវិជ្ជាជីវ: ដោយសហការជាមួយក្រសួង ស្ថាប័នពាក់ព័ន្ធនានា ព្រមទាំងមានការចូលរួមពីវិស័យឯកជនផងដែរ។ ក្នុងនោះ ស្តង់ពិព័រណ៍ក្រសួងមុខងារសាធារណៈ ត្រូវបានរៀបចំទ្បើង ដើម្បីផ្សព្វផ្សាយឱ្យមហាជនបានជ្រួតជ្រាបពីព័ត៌មានទាក់ទងនឹងវិស័យមុខងារសាធារណៈបីចំណុចសំខាន់ៗគឺ ១-នីតិវិធីក្នុងការទទួលបានក្របខណ្ឌបម្រើការងារក្នុងក្រសួង ស្ថាប័ន ២-បង្ហាញទិន្នន័យពីតម្រូវការក្របខណ្ឌ និង ៣-បង្ហាញពីច្បាប់ លិខិតបទដ្ឋានគតិយុត្ត គោលនយោបាយពាក់ព័ន្ធនឹងការគ្រប់គ្រងមន្រ្តីនិងស្ថាប័ន។

ព័ត៌មានទាក់ទង