ក្នុងឱកាសដ៏ឧត្តុង្គឧត្តម នៃពិធីបុណ្យចូលឆ្នាំសកលឆ្នាំ២០២៥ ដែលនឹងឈានមកដល់ក្នុងវេលាដ៏ខ្លីខាងមុខនេះ យើងខ្ញុំជាថ្នាក់ដឹកនាំ និងមន្ត្រីរាជការនៃក្រសួងមុខងារសាធារណៈ សូមគោរពជូនសព្ទសាធុការពរជ័យ បវរសួស្តី សិរីវឌ្ឍនា វិបុលសុខ និងមហាប្រសើរគ្រប់ប្រការ ជូនចំពោះ សម្តេចអគ្គមហាពញាចក្រី សូមមានសុខភាពល្អ កម្លាំងមាំមួន ប្រាជ្ញាវាងវៃ អាយុយឺនយូរ ជៀសផុតពីរោគាព្យាធិទាំងឡាយ។

ស្ថិតក្នុងឱកាសដ៏វិសេសវិសាលនេះផងដែរ យើងខ្ញុំជាថ្នាក់ដឹកនាំ និងមន្ត្រីរាជការនៃក្រសួងមុខងារសាធារណៈទាំងអស់គ្នា សូមបួងសួងដល់វត្ថុស័ក្តិសិទ្ធិទាំងឡាយក្នុងលោក គុណបុណ្យព្រះរតនត្រ័យ សូមជួយប្រសិទ្ធពរ ជូន សម្តេចអគ្គមហាពញាចក្រី សូមមានសុខភាពល្អ អាយុយឺនយូរ កម្លាំងមាំមួន បញ្ញាភ្លឺថ្លាដើម្បីបន្តជាម្លប់ និងផ្តល់ដំបូន្មានសម្រាប់យើងខ្ញុំក្នុងការអនុវត្តការងារបន្តនាពេលខាងមុខទៀត។

សូម សម្តេចអគ្គមហាពញាចក្រី មេត្តាទទួលនូវការគោរពដ៏ខ្ពង់ខ្ពស់ពីយើងខ្ញុំ។