ឯកឧត្តម មានប្រសាសន៍បែបនេះ ស្របពេលដែលកិច្ចប្រជុំកំពុងពិភាក្សាលើសមិទ្ធផល ដែលសម្រេចបានក្នុងខែធ្នូ ក៏ដូចជាសម្រាប់ឆ្នាំ២០២៤។ យុវជនដែលឯកឧត្តមសំដៅដល់នោះ គឺជាបេក្ខជនដែលបានចូលរួមប្រឡងប្រជែង ដើម្បីក្លាយខ្លួនជាមន្ត្រីរាជការស៊ីវិល តាមក្រសួង ស្ថាប័ន ដែលក្រសួងមុខងារសាធារណៈ បានដឹកនាំរៀបចំកន្លងមក។ ​ទន្ទឹមនឹងការលើកឡើងបែបនេះ ឯកឧត្តមរដ្ឋលេខាធិការ បានបន្ថែមទៀតថា “ក្រោមការដឹកនាំរបស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ ឯកឧត្តម និងមន្ត្រី បាន និងកំពុង «ធ្វើការងារដោយមានក្តីសង្ឃឹម … ធ្វើការងារប្រកបដោយស្នាមញញឹម និងកម្លាំងចិត្ត»។”