បេក្ខជន ១៦,៦៣០នាក់(ស្រី ១២,៤២៣នាក់) មកពីបណ្តាខេត្ត ចំនួន១០ នៅទូទាំងប្រទេស នឹងចូលរួមប្រឡងប្រជែងជ្រើសរើសគ្រូបង្រៀននៅបឋមសិក្សា នៅថ្ងៃទី២០-២១ ខែកក្កដា ឆ្នាំ២០២៤ វេនទី៥-៦-៧-៨ ដែលបន្តពីវេនទី១-២-៣-៤ កាលពីថ្ងៃទី១៤-១៥ ខែកក្កដា ឆ្នាំ២០២៤ សប្តាហ៍មុន។

គណៈកម្មការរៀបចំការប្រឡងប្រជែង បានរៀបចំបេក្ខជន ជា ៣ភូមិភាគ តាមបណ្តាខេត្តមួយចំនួន រួមមាន៖ សម័យប្រឡង ថ្ងៃទី២០ ខែកក្កដា ឆ្នាំ២០២៤ ភូមិភាគខេត្តកំពង់ចាម មានបេក្ខជន ៨,២៩៩នាក់៖ សម្រាប់វេនទី៥ ខេត្តកំពង់ចាម និងខេត្តក្រចេះ មានបេក្ខជន ៣,៨៩៧នាក់(ស្រី ២,៩៤៨នាក់) និងវេនទី៦ ខេត្តកំពង់ធំ និងខេត្តត្បូងឃ្មុំ មានបេក្ខជន ៤,៤០២នាក់(ស្រី ៣,២៩១នាក់)។

សម័យប្រឡង ថ្ងៃទី២១ ខែកក្កដា ឆ្នាំ២០២៤ សម្រាប់វេនទី៧ ភូមិភាគខេត្តតាកែវ មានបេក្ខជន ៣,៩៤៥នាក់(ស្រី ២,៩៤១នាក់) មកពីខេត្តកំពត, ខេត្តកែប, ខេត្តព្រះសីហនុ និងខេត្តតាកែវ និងវេនទី៨ ភូមិភាគខេត្តព្រៃវែង មានបេក្ខជន ៤,៣៨៦នាក់(ស្រី ៣,២៤៣នាក់) មកពីខេត្តស្វាយរៀង និងខេត្តព្រៃវែង។