ការប្រឡងប្រជែងជ្រើសរើសគ្រូបង្រៀននៅអនុវិទ្យាល័យរយៈពេល ៤ថ្ងៃ ត្រូវបានបញ្ចប់ដោយរលូន និងជោគជ័យ។ ព្រឹកនេះការកែសន្លឹកកិច្ចការបេក្ខជនបានចាប់ផ្តើម។ មានវត្តមាននៅមណ្ឌលកំណែ នាព្រឹកថ្ងៃទី៦ ខែឧសភា ឆ្នាំ២០២៤ ឯកឧត្តម ខៀវ ច័ន្ទប៊ុនធឿន រដ្ឋលេខាធិការក្រសួងមុខងារសាធារណៈ និងជាអនុប្រធានគណៈកម្មការប្រឡងប្រជែង ដោយមានការចាត់តាំងជាតំណាងដ៏ខ្ពង់ខ្ពស់របស់ឯកឧត្តមឧបនាយករដ្ឋមន្ត្រី ហ៊ុន ម៉ានី បានអញ្ជើញដឹកនាំ ពិនិត្យដំណើរការកែសន្លឹកកិច្ចការ។