សិក្ខាសាលាស្តីពីការចាប់ផ្តើមការសិក្សាលើមុខងារ រចនាសម្ព័ន្ធ និងនីតិវិធីនៃការបំពេញការងាររបស់អង្គភាពធនធានមនុស្សនៅថ្នាក់ក្រោមជាតិ
រាជធានីភ្នំពេញ ៖ នៅព្រឹកថ្ងៃទី០៦ ខែមិថុនា ឆ្នាំ២០១៦ នៅសណ្ឋាគារអាំងទែកង់ទីណង់តាល់ក្រសួងមុខងារសាធារណៈបានសហការជាមួយកិច្ចសហប្រតិបត្តិការអាល្លឺម៉ង់ (GIZ) បានរៀបចំសិក្ខាសាលាស្តីពីការចាប់ផ្តើមការសិក្សាលើមុខងារ រចនាសម្ព័ន្ធ និងនីតិវិធីនៃការបំពេញការងាររបស់អង្គភាពធនធានមនុស្សនៅថ្នាក់ក្រោមជាតិ ក្រោមអធិបតីភាពឯកឧត្តម ថោ សេដ្ឋាណា អនុរដ្ឋលេខាធិការក្រសួងមុខងារសាធារណៈ ដោយមានវត្តមានចូលរួម ពីសំណាក់ថ្នាក់ដឹកនាំ មន្ត្រីរាជការក្រសួងមុខងារសាធារណៈ, តំណាងគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ (PFM), តំណាងគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (NCDD), តំណាងមកពី ក្រសួង-ស្ថាប័នចំនួន៥ និងតំណាង GIZ ។ សិក្ខាសាលានេះរៀបចំឡើងមានគោលបំណងធំៗគឺ (១)ផ្តល់ឱកាសដល់រដ្ឋបាលថ្នាក់ក្រោមជាតិនិងមន្ទីរជំនាញនានាដើម្បីពង្រឹងសមត្ថភាពផ្ទាល់ខ្លួនក្នុងការគ្រប់គ្រង និងអភិវឌ្ឍធនធានមនុស្សក្នុងស្ថាប័នសាមី (២)កំណត់ពង្រឹងតួនាទីរបស់អង្គភាពគ្រប់គ្រងធនធានមនុស្សនៅថ្នាក់ក្រោមជាតិក្នុងការគ្រប់គ្រងនិងអភិវឌ្ឍធនធានមនុស្សនៅថ្នាក់ក្រោមជាតិ និង (៣)ផ្តល់នូវជម្រើសជាយុទ្ធសាស្រ្តនានា ដើម្បីគាំទ្រដល់ការអនុវត្តបទដ្ឋានគតិយុត្តក្នុងការគ្រប់គ្រងនិងអភិវឌ្ឍធនធានមនុស្សនៅថ្នាក់ក្រោមជាតិ។
ឯកសារយោង៖