នៅក្នុងកិច្ចពិភាក្សានោះ ឯកឧត្តមអនុរដ្ឋលេខាធិការបានលើឡើងអំពីបាវចនាក្រសួងមុខងារសាធារណៈ គឺការពារផលប្រយោជន៍សាធារណៈ ការពារផលប្រយោជន៍ក្រសួង ស្ថាប័ន និងការពារផលប្រយោជន៍មន្រ្តី។ លើសពីនេះ ឯកឧត្តមប្រធានប្រតិភូបានលើកឡើងអំពីកម្មវិធីជាតិកែទម្រង់រដ្ឋបាលសាធារណៈ ដែលផ្តោតសំខាន់លើភាពស្អាតស្អំ ខ្លាំង និងវៃឆ្លាត និងបានជម្រាបជូនដល់មន្ត្រីជំនាញមន្ទីរមុខងារសាធារណៈ អំពីការអនុវត្តវិធានការគន្លឹះរបស់រាជរដ្ឋាភិបាលនីតិកាលទី៧ នៃរដ្ឋសភា ជាពិសេសនៅក្នុងការកែទម្រង់រដ្ឋបាលសាធារណៈ ដែលមានវិធានការគន្លឹះចំនួន៣ គឺទី១៖ ការកែលម្អប្រព័ន្ធប្រឡងប្រជែងជ្រើសរើសមន្រ្តីរាជការស៊ីវិល ទី២៖ ការលើកកម្ពស់ប្រសិទ្ធភាពការងារ និងទី៣៖ ការរៀបចំប្រព័ន្ធលើកទឹកចិត្តផ្អែកលើសមិទ្ធកម្ម។