ក្នុងអំឡុងពេលនៃការរៀបចំប្រទីបជាលើកដំបូងរបស់ក្រសួងមុខងារសាធារណៈ ឯកឧត្តម ខៀវ ច័ន្ទប៊ុនធឿន រដ្ឋលេខាធិការ និងជាប្រធានក្រុមការងាររៀបចំប្រទីបក្រសួងមុខងារសាធារណៈ បានដឹកនាំប្រតិភូក្រសួង ចុះពិនិត្យលើវឌ្ឍនភាពនៃការដំឡើងប្រទីបរបស់ក្រសួងមុខងារសាធារណៈ កាលពីល្ងាចថ្ងៃទី១០ ខែវិច្ឆិកា ឆ្នាំ២០២៣ ក្នុងខណ្ឌជ្រោយចង្វារ រាជធានីភ្នំពេញ។

គិតមកដល់ពេលនេះ ប្រទីបក្រសួងមុខងារសាធារណៈ ត្រូវបានរៀបចំរចនា និងតម្លើងបានជិតរួចរាល់ទាំងស្រុងហើយ នៅសល់តែកិច្ចការចុងក្រោយមួយចំនួនដែលត្រូវបង្ហើយតែប៉ុណ្ណោះ។

គួររំលឹកផងដែរថា ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នឹងប្រព្រឹត្តទៅចាប់ពីថ្ងៃទី២៦ ដល់ថ្ងៃទី២៨ ខែវិច្ឆិកា ឆ្នាំ២០២៣ ហើយនឹងមានការបណ្តែតប្រទីបរបស់ក្រសួង ស្ថាប័ន នៅទន្លេចតុមុខ មុខព្រះបរមរាជវាំង នាវេលាក្រោយថ្ងៃអស្តង្គតក្នុងអំឡុងពេលទាំង៣ថ្ងៃ នៃព្រះរាជពិធី៕