ដំណើរទស្សនកិច្ចរបស់សិក្ខាកាមនៅតាមប្រាង្គប្រាសាទ ជាផ្នែកមួយនៃសិក្ខាសាលាស្តីពី «ការកសាងសមត្ថភាពលើភាពជាអ្នកដឹកនាំប្រកបដោយបរិវត្តកម្ម សម្រាប់មន្រ្តីជាន់ខ្ពស់នៃប្រទេសជាសមាជិកអាស៊ាន និងប្រទេសទីម័រខាងកើត» និងជាផ្នែកមួយដែលអាចចូលរួមផ្សព្វផ្សាយបុរាណដ្ឋាននៃកេរ្តិ៍មរតកវប្បធម៌ខ្មែរដើម្បីផ្សព្វផ្សាយឱ្យបានកាន់តែទំលំទូលាយលើពិភពលោក។

ព្រឹកនេះ សិក្ខាកាមជាតិ និងអន្តរជាតិ បានធ្វើដំណើរទស្សនាតាមរមណីយដ្ឋានវប្បធម៌ប្រវត្តិសាស្ត្រប្រាសាទអង្គរវត្ត និងប្រាសាទតាព្រហ្ម ហើយបានសម្តែងនូវអារម្មណ៍រំភើប ស្ញប់ស្ញែង ព្រមទាំងកោតសរសើរកេរ្តិ៍មរតកខ្មែរដ៏មហាអស្ចារ្យ ប្រៀបបាននឹងសំណង់ស្ថាបត្យកម្មទេពនិម្មិតមិនអាចកាត់ថ្លៃបាន។