ថ្នាក់ដឹកនាំ និងមន្ត្រីរាជការគ្រប់ជាន់ថ្នាក់ នៃក្រសួងមុខងារសាធារណៈ មានមោទកភាព និងក្តីសោមនស្សរីករាយជាទីបំផុត និងបានចូលរួមរៀបចំពិធីទូងស្គរជ័យអបអរសាទរ ការដាក់បញ្ចូល «រមណីយដ្ឋានប្រាសាទកោះកេរ» ទៅក្នុងបញ្ជីបេតិកភណ្ឌពិភពលោកនៃអង្គការយូណេស្កូ នៅខាងមុខបរិវេណទីស្តីការក្រសួងមុខងារសាធារណៈ នាព្រឹកថ្ងៃទី២០ ខែកញ្ញា ឆ្នាំ២០២៣។ សូមអរគុណរាជរដ្ឋាភិបាលកម្ពុជា ថ្នាក់ដឹកនាំ និងក្រុមការងារ រួមទាំងប្រជាជនកម្ពុជាទាំងអស់ ដែលបានរួមកម្លាំងគ្នា ក្នុងស្មារតីខ្មែរតែមួយ និងខ្មែរធ្វើបាន ក្នុងការ ការពារ ថែរក្សាសម្បត្តិវប្បធម៌ បូរណភាពទឹកដី និងអធិបតេយ្យភាព ហើយរួមគ្នាជ្រោងទង់កម្ពុជាឲ្យកាន់តែមានកិត្យានុភាពខ្ពស់ត្រដែតលើឆាកអន្តរជាតិ។

គួររម្លឹកផងដែរថា «រមណីយដ្ឋានប្រាសាទកោះកេរ» ត្រូវបានបញ្ចូលក្នុងបញ្ជីបេតិកភណ្ឌពិភពលោក នៃអង្គការយូណេស្កូ នាសម័យប្រជុំលើកទី៤៥ នៅទីក្រុងរីយ៉ាដ ប្រទេសអារ៉ាប៊ីសាអូឌីត កាលពីថ្ងៃទី១៧ ខែកញ្ញា ឆ្នាំ២០២៣។ អរគុណសន្តិភាព