(រាជធានីភ្នំពេញ)៖ នារសៀលថ្ងៃអាទិត្យ ទី០៤ ខែមិថុនា ឆ្នាំ២០២៣នេះ ឯកឧត្តម ព្រុំ សុខា រដ្ឋមន្ត្រីក្រសួងមុខងារសាធារណៈ បានដឹកនាំប្រតិភូ អញ្ជើញចូលរួមក្នុងពិធីបុណ្យទក្ខិណានុប្បទានគម្រប់៧ថ្ងៃ ដើម្បីឧទ្ទិសកុសលជូនដល់ដួងវិញ្ញាណក្ខន្ធ លោកវេជ្ជបណ្ឌិត ទិត វុទ្ធី អនុប្រធានមជ្ឈមណ្ឌលជាតិកំចាត់រោគរបេង និងហង់សិន ដែលត្រូវជាកូនប្រសារ លោកជំទាវវេជ្ជបណ្ឌិត ព្រុំ ឆោមសាយឿន ដែលបានទទួលមរណភាពកាលពីថ្ងៃចន្ទ ១០កើត ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៩ ខែឧសភា ឆ្នាំ២០២៣ ក្នុងជន្មាយុ ៥៥ឆ្នាំ ដោយរោគាពាធ។

ធីបុណ្យនេះ បានប្រារព្ធធ្វើឡើងនៅគេហដ្ឋានស្ថិតនៅក្នុងបុរីហាយធិចលុច្សសារី ផ្ទះលេខ៤២ ផ្លូវលីលី សង្កាត់និរោធ ខណ្ឌច្បារអំពៅ រាជធានីភ្នំពេញ ដោយមានការចូលរួមពីឯកឧត្តម លោកជំទាវ លោក លោកស្រីជាថ្នាក់ដឹកនាំនិងមន្ត្រីរាជការនៃក្រសួងមុខងារសាធារណៈ ព្រមទាំងសាច់ញាតិជិតឆ្ងាយផងដែរ៕