ថ្នាក់ដឹកនាំក្រសួងមុខងារសាធារណៈ ចូលរួមព្រះរាជពិធីច្រត់ព្រះនង្គ័ល ឆ្នាំថោះ បញ្ចស័កព.ស.២៥៦៧ គ.ស.២០២៣ ដែលប្រារព្ធឡើងលើទីព្រះស្រែ នៅខេត្តកំពង់ធំ
ស្ថិតនៅ៖ ព័ត៌មានទូទៅ, ព័ត៌មាននិងឯកសារ | បង្ហោះដោយ៖ ADMIN-MCS | កាលបរិច្ឆេទ៖ ថ្ងៃទី៨ ខែឧសភា ឆ្នាំ២០២៣
(កំពង់ធំ)៖ នាវេលាព្រឹកថ្ងៃចន្ទ ៤រោច ខែពិសាខ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៨ ខែឧសភា ឆ្នាំ២០២៣ ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យស្តេចយាងជាព្រះរាជាធិបតីភាពដ៏ខ្ពង់ខ្ពស់បំផុត ក្នុងព្រះរាជពិធីច្រត់ព្រះនង្គ័ល ប្រចាំព.ស២៥៦៧ គ.ស២០២៣ ដែលប្រារព្ធឡើងលើទីព្រះស្រែ នាខេត្តកំពង់ធំ។ ក្នុងព្រះរាជពិធីនេះក៏មានវត្តមានប្រតិភូក្រសួងមុខងារសាធារណៈ រួមមាន ឯកឧត្ដម ជុក មុន្នី រដ្ឋលេខាធិការ ឯកឧត្ដម ប៉ូល ពីឌូ រដ្ឋលេខាធិការ និង ឯកឧត្ដម ឈឿន ប៊ុណ្ណារ័ត្ន រដ្ឋលេខាធិការ ចូលរួមផងដែរ៕