(ភ្នំពេញ)៖​ នៅទីស្តីការក្រសួងមុខងារសាធារណៈ នាព្រឹកថ្ងៃទី១៥ ខែមីនា ឆ្នាំ២០២៣ ឯកឧត្ដម ព្រុំ សុខា រដ្ឋមន្រ្តីក្រសួងមុខងារសាធារណៈ បានដឹកនាំកិច្ចប្រជុំពិនិត្យវឌ្ឍនភាពការងារត្រៀមរៀបចំសន្និបាតបូកសរុបសមិទ្ធផលការងាររយៈពេល ៥ ឆ្នាំ (២០១៨-២០២២) និងលើកទិសដៅការងារបន្តរបស់ក្រសួងមុខងារសាធារណៈ ដែលនឹងប្រព្រឹត្តទៅថ្ងៃទី២១-២២ ខែមីនា ឆ្នាំ២០២៣ ខាងមុខ នៅសាលាភូមិន្ទរដ្ឋបាល។

កិច្ចប្រជុំនេះមានការចូលរួមពីសំណាក់ឯកឧត្តម លោកជំទាវ ជារដ្ឋលេខាធិការ ប្រតិភូរាជរដ្ឋាភិបាល អនុរដ្ឋលេខាធិការ ទីប្រឹក្សា អគ្គនាយក អគ្គាធិការ និងលោក លោកស្រី ជាអគ្គនាយករង ប្រធាននាយកដ្ឋាន និងមន្ត្រីរាជការនៃក្រសួងមុខងារសាធារណៈ សរុបមានអ្នកចូលរួមចំនួនប្រមាណ៥០នាក់៕