(រាជធានីភ្នំពេញ) ៖ នារសៀលថ្ងៃចន្ទទី៣១ខែតុលា ឆ្នាំ២០២២នេះ ប្រតិភូក្រសួងមុខងារសាធារណៈ ដឹកនាំដោយ ឯកឧត្តម សយ រតនៈ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានរដ្ឋបាល និងហិរញ្ញវត្ថុ តំណាងដ៏ខ្ពង់ខ្ពស់របស់ ឯកឧត្តមរដ្ឋមន្ត្រី ព្រុំ សុខា បានចូលរួមគោរពវិញ្ញាណក្ខន្ធ ឧបាសក សោម វែង ដែលត្រូវជាឪពុកបង្កើតរបស់លោក សោម សាវេត ប្រធាននាយកដ្ឋានរដ្ឋបាល និងសរុប នៃក្រសួងមុខងារសាធារណៈ ស្ថិតនៅគេហដ្ឋានលេខ១១២ ផ្លូវបេតុង ភូមិទួលតាចាន់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ៕