(ក្រចេះ)៖ នាព្រឹកថ្ងៃចន្ទ ទី១៥ ឧសភា ២០២៣ ឯកឧត្តមបណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញជាអធិបតីក្នុងពិធីសម្ពោធសាលាធម្មសភា និងសមិទ្ធផលនានានៅក្នុងវត្តសម្តេចព្រះនាគវ័ន្តវរៈពោធិ៍ (ហៅវត្តសំបុក) ដែលស្ថិតនៅភូមិសំបុក ឃុំសំបុក ស្រុកចិត្របុរី ខេត្តក្រចេះ។ ក្នុងពិធីនេះក៏មានវត្តមាន ឯកឧត្តម ព្រុំ សុខា រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងារខេត្តក្រចេះ និងសហការីផងដែរ៕