សូមណែនាំ អនុគណៈកម្មការត្រួតពិនិត្យ និងវាយតម្លៃ នៃគណៈកម្មការរៀបចំការប្រឡងប្រជែងជ្រើសរើសមន្ត្រីរាជការស៊ីវិល។ គណៈកម្មការនេះត្រូវបានបង្កើតឡើង ដើម្បីគាំទ្រដល់ដំណើរការប្រឡងប្រជែងជ្រើសរើសមន្ត្រីរាជការស៊ីវិល ដោយមានភារកិច្ច៖

👉 ត្រួតពិនិត្យនីតិវិធីនានាពាក់ព័ន្ធនឹងការប្រឡងប្រជែងទាំងដំណាក់កាលមុនប្រឡង អំឡុង ពេលប្រឡង និងក្រោយពេលប្រឡងប្រជែង

👉 ត្រួតពិនិត្យការអនុវត្តការងារគ្រប់អនុគណៈកម្មការ និងភាគីពាក់ព័ន្ធនឹងដំណើរការប្រឡងប្រជែងជ្រើសរើសមន្ត្រីរាជការស៊ីវិល

👉 ត្រួតពិនិត្យ និងរាយការណ៍ភ្លាមៗជូនថ្នាក់ដឹកនាំអំពីភាពមិនប្រក្រតីដែលកើតមានឡើងក្នុង អំឡុងពេលប្រឡងប្រជែង

👉 ត្រួតពិនិត្យ តាមដាន សិក្សាស្រាវជ្រាវអំពីបញ្ហាប្រឈម និងផ្តល់វិធានដោះស្រាយលើបញ្ហា ប្រឈមនៃការអនុវត្តការងារប្រឡងប្រជែងគ្រប់ដំណាក់កាល

👉 វាយតម្លៃ និងរាយការណ៍អំពីវឌ្ឍនភាពនៃការអនុវត្តការងារប្រឡងប្រជែងជ្រើសរើសជាប្រចាំ ជូនឯកឧត្តមឧបនាយករដ្ឋមន្ត្រី

👉 បំពេញភារកិច្ចផ្សេងទៀតតាមការប្រគល់ជូនរបស់ឯកឧត្តមឧបនាយករដ្ឋមន្ត្រី និងជាប្រធានគណៈកម្មការរៀបចំការប្រឡងប្រជែង។

សូមអរគុណដល់ប្រធាន អនុប្រធាន និងសមាជិក សមាជិកាទាំងអស់ដែលបានបំពេញការងារយ៉ាងសស្រាក់ស្រាំ ប្រកបដោយទំនួលខុសត្រូវខ្ពស់ និងមានប្រសិទ្ធភាពគួរជាទីមោទនៈ ក្នុងគោលដៅផ្តល់សេវាសាធារណៈគាប់ចិត្តជូនបេក្ខជន និងប្រជាពលរដ្ឋ។