រាល់ការប្រឡងប្រជែងទាំងអស់ បេក្ខជន ត្រូវតែទទួលបានព័ត៌មានអំពីការប្រឡង បទប្បញ្ញត្តិ និងសេចក្តីណែនាំ នានា គ្រប់វិធីសាស្ត្រ ដើម្បីបេក្ខជនបានត្រៀមលក្ខណៈទុកជាមុន។ លើសពីនេះ​ គ្រប់ការប្រឡង ប្រជែងទាំងអស់ដែល ក្រសួងមុខងារសាធារណៈបានដឹកនាំរៀបចំ ត្រូវមានក្រុមការងារពិនិត្យរកនូវសំណៅឯកសារ មុនពេលបេក្ខជនចូលទៅកាន់បរិវេណ និងបន្ទប់ប្រឡង។​ ទាំងនេះជាសកម្មភាពដ៏ហ្មត់ចត់ក្នុងការអនុវត្តស្របតាមគោលការណ៍ និងនិយាមនីតិវិធីប្រតិបត្តិ ស្តីពីការប្រឡងប្រជែងជ្រើសរើសមន្ត្រីរាជការស៊ីវិល។

ជាការកត់សម្គាល់ ក្រុមការងារមិនដែលបានរកឃើញសំណៅឯកសារណាមួយដែលបេក្ខជនបាននាំមកដោយមិនបានអនុញ្ញាត ឬមាននៅក្នុងបន្ទប់ប្រឡងឡើយ។