នាវេលាម៉ោង ១២ថ្ងៃត្រង់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការប្រឡងប្រជែង បានអញ្ជើញកាត់វិញ្ញាសា សម្រាប់ការប្រឡងប្រជែងជ្រើសរើសគ្រូបង្រៀនអនុវិទ្យាល័យ សម្រាប់ថ្ងៃចុងក្រោយ ដើម្បីសម្រាំងបេក្ខជនឈានទៅដល់ការប្រឡងប្រជែងលើកទី២។ ការប្រឡងប្រជែងថ្ងៃចុងក្រោយនេះ មានបេក្ខជនសរុបចំនួនប្រមាណ ៨,៤៦៥នាក់ (តាមការគ្រោងទុក) ដោយបានបែងចែកជា ២វេន និង ២មណ្ឌល គឺនៅសាលាភូមិន្ទរដ្ឋបាល និងសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។