ខណៈពេលនេះ នៅក្នុងបន្ទប់តាក់តែងវិញ្ញាសា មានអនុគណៈកម្មការតាក់តែងវិញ្ញាសា កំពុងរៀបចំ និងតាក់តែងវិញ្ញាសា ព្រមទាំងទទួលការណែនាំពី ឯកឧត្តម យក់ ប៊ុនណា អនុប្រធានគណៈកម្មការរៀបចំការប្រឡងប្រជែង ពន្យល់បង្ហាញពីយន្តការការងារផ្សេងៗ ដែលបានកំណត់ក្នុងនិយាមនីតិប្រតិបត្តិនៃការប្រឡង ដោយកំណត់វិញ្ញាសាផ្នែកវប្បធម៌ទូទៅ (៣០%) គ្រូចេញវិញ្ញាសា ចំនួន ០៣រូប និងវិញ្ញាសាផ្នែកឯកទេស (៧០%) គ្រូចេញវិញ្ញាសា ចំនួន ០៥រូប (ក្នុងមួយវេន)។

សូមជម្រាបថា គណៈកម្មការរៀបចំតាក់តែងវីញ្ញាសា ត្រូវបានក្រសួងអប់រំ យុវជន និងកីឡា ផ្តល់បញ្ជីសមាសភាពគ្រូ ២ដង នៃចំនួនដែលត្រូវការ ដើម្បីឱ្យឯកឧត្តមឧបនាយករដ្ឋមន្ត្រី ប្រធានគណៈកម្មការ ជាអ្នកជ្រើសរើសដោយសម្ងាត់បំផុត។