ប្រធានវិញ្ញាសានេះ ទាំង១០០សំណួរ ត្រូវបានជ្រើសរើសចេញពីជម្រើសសំណួរដែលបានតាក់តែងសរុបយ៉ាងតិច១៤៥សំណួរ សម្រាប់ការប្រឡងប្រជែងជ្រើសរើសគ្រូបង្រៀននៅបឋមសិក្សា នៅពេលរសៀលនេះ។ តាមការគ្រោងទុក ការប្រឡងប្រជែងនារសៀលនេះ នឹងមានបេក្ខជនចូលរួមចំនួន ១២,៤០៨នាក់។ ក្នុងន័យនេះ ការប្រឡងនឹងត្រូវការ ការសម្របសម្រួលច្រើនជាងមុន ហើយប្រើប្រាស់អគារប្រឡងច្រើនជាងមុន។

គួររំលឹកដែរថា រាល់ដំណើរការរៀបចំតាក់តែងវិញ្ញាសា សម្រាប់ការប្រឡងប្រជែងជ្រើសរើសគ្រូបង្រៀននៅបឋមសិក្សា បានប្រព្រឹត្តទៅដោយសម្ងាត់ មានសុក្រឹត្យភាព មានតម្លាភាព ដោយមានលោកគ្រូ អ្នកគ្រូ មកពីក្រសួងអប់រំ យុវជន និងកីឡា ជាអ្នកតាក់តែងវិញ្ញាសា និងស្ថិតក្រោមការតាមដានជាប់គ្រប់ដំណាក់កាលពីអង្គភាពប្រឆាំងអំពើពុករលួយ។