ថ្ងៃនេះ ឯកឧត្តមឧបនាយករដ្ឋមន្ត្រី ហ៊ុន ម៉ានី ដឹកនាំគណៈប្រតិភូ អញ្ជើញធ្វើមាតុភូមិនិវត្តន៍ មកកាន់មាតុប្រទេសវិញ
ក្រោយពីបានចូលរួមកិច្ចប្រជុំសហប្រតិបត្តិការអាស៊ាន ស្តីពីកិច្ចការមុខងារសាធារណៈ លើកទី២២ (22nd ASEAN Cooperation on Civil Service Matters – ACCSM) និងកិច្ចប្រជុំសហប្រតិបត្តិការអាស៊ានបូក៣ ស្តីពីមុខងារសាធារណៈ លើកទី៧ (7th ACCSM+3) ចាប់ពីថ្ងៃទី០៥ ដល់ថ្ងៃទី០៧ ខែសីហា ឆ្នាំ២០២៤ នៅរាជធានីបង់ដាសេរីបេកាវ៉ាន់ ប្រទេសប្រ៊ុយណេដារូហ្សាឡាម ប្រកបដោយជោគជ័យ។ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ នៃព្រះរាជាណាចក្រកម្ពុជា បានដឹកនាំគណៈប្រតិភូក្រសួងមុខងារសាធារណៈកម្ពុជា អញ្ជើញធ្វើមាតុភូមិនិវត្តន៍មកប្រទេសវិញ ដោយបាននាំយកនូវលទ្ធផលល្អៗជាច្រើនចេញពីកិច្ចប្រជុំសហប្រតិបត្តិការអាស៊ានលើកទី២២ និងកិច្ចប្រជុំសហប្រតិបត្តិការអាស៊ានបូក៣ លើកទី៧ រួមទាំងការនាំយកភាពជាប្រធានប្តូរវេននៃ ACCSM មកកាន់កម្ពុជា សម្រាប់អាណត្តិឆ្នាំ២០២៤-២០២៦ ផងដែរ។ ថ្នាក់ដឹកនាំ និងមន្ត្រីរាជការនៃក្រសួងមុខងារសាធារណៈ សូមគោរពចូលរួមអបអរសាទរ និងសូមគោរពជូនពរឯកឧត្តមឧបនាយករដ្ឋមន្ត្រី និងគណៈប្រតិភូ ប្រកបដោយសុខសុវត្ថិភាពក្នុងដំណើរត្រឡប់មកកាន់មាតុប្រទេសវិញ។
ព័ត៌មានទាក់ទង
ក្រសួងមុខងារសាធារណៈរៀបចំវគ្គបណ្តុះបណ្តាលស្តីពី “អធិការកិច្ចលើការគ្រប់គ្រងមន្ត្រីរាជការ និងបុគ្គលិកបម្រើការងាររដ្ឋតាមប្រព័ន្ធនិយោជន៍”
«១៥ តុលា ឆ្នាំ២០១២- ១៥ តុលា ឆ្នាំ២០២៣- ខួប ១១ឆ្នាំនៃការយាងសោយព្រះទិវង្គតរបស់ព្រះករុណា ព្រះបាទសម្តេច នរោត្តម សីហនុ ព្រះបរមរតនកោដ្ឋ»
អត្ថន័យនៃក្បាច់រចនា ប្រទីប «ក្រសួងមុខងារសាធារណៈ»
“ឯកឧត្តមឧបនាយករដ្ឋមន្ត្រី ហ៊ុន ម៉ានី តែងតែបានធ្វើជាគំរូជាប្រចាំរួចមកហើយ ព្រមទាំងបានដោះស្រាយបញ្ហាប្រឈមជាច្រើន ឈានមកកាន់ស្ថានភាពកាន់តែល្អប្រសើរទាំងការកែទម្រង់ផ្ទៃក្នុងក្រសួង និងការងារកែទម្រង់របស់រាជរដ្ឋាភិបាលជារួម ក្នុងនាមជាសេនាធិការរបស់រាជរដ្ឋាភិបាល និងជាអ្នកគាំទ្រដល់ក្រសួង ស្ថាប័នដទៃទៀតក្នុងប្រតិបត្តិការការងារ”
ឯកឧត្តមឧបនាយករដ្ឋមន្ត្រី ហ៊ុន ម៉ានី តំណាងដ៏ខ្ពង់ខ្ពស់ សម្តេចធិបតីនាយករដ្ឋមន្ត្រី អញ្ជើញជាអធិបតីក្នុងពិធីសម្ពោធសមិទ្ធផលនានាក្នុងវត្តអូរព័ទ្ធ ស្ថិតក្នុងភូមិស្រមោចហែ ឃុំចំបក់ ស្រុកបាទី ខេត្តតាកែវ