គណៈកម្មការការរៀបចំការប្រឡងប្រជែង បានរៀបចំទីតាំងជូនក្រុមគ្រួសារ អាណាព្យាបាល ដើម្បីសម្រាករង់ចាំលើកទឹកចិត្តក្រុមគ្រួសារ កូន ក្មួយរបស់ខ្លួនផងដែរ ក្រៅពីនេះ ក៏មានការផ្តល់ជូនភេសជ្ជៈ ទឹកពិសា និងនំ នៅមណ្ឌលប្រឡងសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច និងសាលាភូមិន្ទរដ្ឋបាល។

តាមរយៈកាយវិការខ្វាយខ្វល់ទាំងនេះ សូមបងប្អូនអាណាព្យាបាលជឿទុកចិត្ត លើការរៀបចំការប្រឡងប្រជែង ដែលតែងតែឈរលើគោលការណ៍គុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព «ចេះ គឺជាប់ ជាប់ដោយមោទនៈ ធ្លាក់ដោយអស់ចិត្ត។» សូមជូនពរបេក្ខជន ទទួលបានលទ្ធផលជាទីគាប់ចិត្តគ្រប់ៗគ្នា។