តាំងពីព្រលឹមស្រាងៗ ការតាក់តែងវិញ្ញាសា បានដំណើរការ ដោយមានការណែនាំដល់អនុគណៈកម្មការតាក់តែងវិញ្ញាសា នូវនីតិវិធីនៃការតាក់តែងវិញ្ញាសា។ បន្ទាប់ពីវិញ្ញាសាត្រូវបានតាក់តែងចប់រួចរាល់ លើសពីមួយជម្រើស វិញ្ញាសាតែមួយជម្រើសតែប៉ុណ្ណោះត្រូវបានជ្រើសរើសដោយឯកឧត្តមឧបនាយករដ្ឋមន្ត្រី ហ៊ុន ម៉ានី ប្រធានគណៈកម្មការរៀបចំការប្រឡង មុនវិញ្ញាសាទាំងនោះត្រូវបានថតចម្លង និងបន្តនីតិវិធី។

វិញ្ញាសាដែលតាក់តែងព្រឹកនេះ មានចំនួន៣ រួមមាន៖ ១.វិញ្ញាសាជំនាញ/បច្ចេកទេស ២.វិញ្ញាសាពហុចម្លើយភាសាអង់គ្លេស ឬភាសាបារាំង និង ៣.វិញ្ញាសាពហុចម្លើយចំណេះដឹងទូទៅ៕