ខណៈពេលនេះ អនុគណៈកម្មការអនុរក្ស កំពុងដំណើរការប្រជុំ បែងចែកតួនាទីភារកិច្ច និងការទទួលខុសត្រូវ ព្រមទាំងពិនិត្យលទ្ធផលការងារនាពេលកន្លងមក អំឡុងពេលប្រឡងប្រជែង(វិញ្ញាសាសរសេរលើកទី១) វគ្គទី១ ដែលបានបញ្ចប់ដោយរលូន និងណែនាំការបំពេញភារកិច្ចឱ្យបានត្រឹមត្រូវ ជៀសវាងនូវការថ្លោះធ្លោយ។

លើសពីនេះ អនុគណៈកម្មការសន្តិសុខ និងអនុគណៈកម្មការពាក់ព័ន្ធ ក៏កំពុងរៀបចំ ពិនិត្យមណ្ឌលប្រឡង បន្ទប់ប្រឡង តុ កៅអី ក្តារខៀនព័ត៌មាន និងសម្ភារៈសម្រាប់គាំទ្រដល់ដំណើរការប្រឡងប្រជែង។ ករណីរកឃើញមានចំណុចខ្វះខាត ត្រូវសហការដោះស្រាយ និងរក្សារបៀបរៀបរយ សណ្តាប់ធ្នាប់នៃការប្រឡងប្រជែងជាមួយរដ្ឋបាលសាកលវិទ្យាល័យ និងអាជ្ញាធររដ្ឋបាលមូលដ្ឋាន៕