សិក្ខាសាលាស្តីពី “ការគ្រប់គ្រង និងការអនុវត្តការផ្តល់សេវាសាធារណៈដ៏ល្អប្រសើរ”
ស្ថិតនៅ៖ ព័ត៌មានទូទៅ, ព័ត៌មាននិងឯកសារ, សិក្ខាសាលា | បង្ហោះដោយ៖ ADMIN-MCS | កាលបរិច្ឆេទ៖ ថ្ងៃទី២៩ ខែវិច្ឆិកា ឆ្នាំ២០១៧
រាជធានីភ្នំពេញ៖ កាលពីព្រឹកថ្ងៃ ច័ន្ទ ៩កើត ខែមិគសិរ ឆ្នាំរកា ព.ស. ២៥៦១ ត្រូវនឹងថ្ងៃទី ២៧ ខែវិច្ឆិកា គ.ស. ២០១៧ នៅសាលាភូមិន្ទរដ្ឋបាល ដោយមានកិច្ចសហប្រតិបត្តិការរវាង ក្រសួងមុខងារសាធារណៈ សាលាភូមិន្ទរដ្ឋបាល និងវិទ្យាស្ថានបណ្តុះបណ្តាលមុខងារសាធារណៈនៃប្រទេសសិង្ហបុរី បានរៀបចំបើកសិក្ខាសាលាស្ដីពី “ការគ្រប់គ្រង និងការអនុវត្តការផ្តល់សេវាសាធារណៈដ៏ល្អប្រសើរ” ក្រោមអធិបតីភាពឯកឧត្តម យក់ ប៊ុនណា រដ្ឋលេខាធិការក្រសួងមុខងារសាធារណៈ និងជានាយកសាលាភូមិន្ទរដ្ឋបាល។ សិក្ខាសាលានេះ មានគោលបំណងដើម្បីបន្តការបណ្តុះបណ្តាលជាប្រព័ន្ធ និងជាកាតព្វកិច្ច របស់រដ្ឋាភិបាលសម្រាប់ អគ្គនាយក អគ្គលេខាធិការ អគ្គាធិការ និងអភិបាលនៃគណៈអភិបាល រាជធានី-ខេត្ត។ សមាសភាពចូលរួមនៃអង្គសិក្ខាសាលានេះរួមមាន ថ្នាក់ដឹកនាំ រដ្ឋលេខាធិការ ក្រសួងស្ថាប័នចំនួន៨ កម្រិតអគ្គនាយក អគ្គលេខាធិការ អគ្គាធិការ និងអភិបាលនៃគណៈអភិបាល រាជធានី-ខេត្តចំនួន១២ ហើយនឹងមានការចូលរួមធ្វើបទបង្ហាញដោយមន្ត្រីជាន់ខ្ពស់របស់រដ្ឋាភិបាលសិង្ហបូរី ដែលមានបទពិសោធន៍ និងជំនាញយូរឆ្នាំលើការងារគោលនយោបាយ ការដឹកនាំគ្រប់គ្រង និងការអភិវឌ្ឍស្ថាប័ននិងធនធានមនុស្សក្នុងវិស័យសាធារណៈនៃប្រទេសសិង្ហបុរី ដែលកំពុងនឹងប្រព្រឹត្តទៅរយៈពេល ៤ថ្ងៃ ចាប់ពីថ្ងៃ២៧ ខែវិច្ឆិកា ដល់ថ្ងៃ៣០ ខែវិច្ឆិកា ឆ្នាំ២០១៧។
ចុចទីនេះដើម្បីទាញយកបទបង្ហាញស្តីពី “Managing & Implementing Service Excellence” ដោយលោក QUEK Aik Teng សាស្ត្រាចារ្យ និងជាមន្ត្រីជាន់ខ្ពស់នៃប្រទេសសិង្ហបូរី
មើលបណ្ណាល័យរូបភាពៈ សិក្ខាសាលាស្តីពី “ការគ្រប់គ្រង និងការអនុវត្តការផ្តល់សេវាសាធារណៈដ៏ល្អប្រសើរ”